عشان تحس بالتجديد لازم تعمل حاجة جديدة (طبيعي) :) (طبعا اكيد حاجة مفيدة :) )
فانا فكرت الواحد مكن يعمل حاجة جديدة بس ازاي يعني!! طب يروح مكان جديد مثلا ,,, ماشي !! فقعدت ادور على مكان ممكن ميكونش للبعض جديد بس اعتقد انه على الاقل جديد بالنسبالي !!
ففكرنا انا وصحابي نروح مكان مختلف ماروحناهوش قبل كدة . فجاه اقتراح ( بيت السحيمي) اللي موجود في الحسين
يا جماعة المكان دة روعة وفيه جو حلو أوي مش موجود في أي مكان تاني ,,ومن ساعت لما روحت بيت السحيمي حسيت ان انا جاهلة اوي !!
انا ماكونتش اعرف ايه دة اساسا لحد ما عرفت عنه من النت وعرفت مكانه وروحته...
وبيت السحيمي هو بيت عربي تقليدي في القاهرة وهو من اشهر بيوت مصر القديمة وبترجع اهميته انه اكبر بيت اسلامي بيوضح الحياة كانت عاملة ازاي في مصر القديمة , وفيه اكتر من 115 غرفة ما بين قاعات وحمامات ومطابخ وأماكن مخصصة للرجال تسمى "السلاملك" وأماكن مخصصة للحريم تسمى "الحراملك!! !!!
بيت السحيمي
بس اذا!!! دة معناها ان لسة في اماكن كتير حلوة اوي لسة ما اكتشفنهاش عندنا في بلدنا !!! اذا الحمد لله :) الواحد لقا حاجة جديدة شوية !!
وزي ما في اماكن جديدة في بلدنا لسة ناس كتير اوي ما يعرفوش عنها حاجة .. يبقى اكيد فيي افكار!!! في حجات الواحد ممكن يعملها فيفيد نفسه أو غيره !! أو حتى يزود انتماءه شوية لما يعرف عن تاريخ بلده !!!
يا جماعة الموضوع دة مهم أوي !! اصل الموضوع مش مجرد فكرة بيت السحيمي , لأ !!
الموضوع كمان بيتعلق بمعرفة الانسان بنفسه وببلده, وبمجتمعه,, وبافكاره اللي لازم يعرف يوجهها صح ,, يعرف هو عايز ايه !! يكون ايه , بيحب ايه..بيحب المكان ال هوة عايش فيه لييه؟؟؟ !!
وبتهايألي عشان يعمل كدة , لازم يعرف المكان ال هو قاعد فيه !!!! اثاره!! حكاياته ,,قصص الروايات والبطولات والتضحيات اللي حصلت فيه ايه !! يعرف أد ايه في ناس بتحب البلد دي, واد اي وضحت في سبيلها كتير !!!
اذا حتى اقل الايمان ننزل الشارع ونشوفه برؤية جديدة ,,, بعين تانية ,,ننزل نشوف اثارنا وحكايتنا وتاريخنا ايه!! بس مش على طريقة الصم والالقاء اللي في كتب التاريخ بتاعت المدارس دي....لأن في ناس بتتعب و بتيجي من بلاد ابعد من بلاد الواق واق عشان تشوف اثارنا وتاريخ البلد دي !!,,لان مصر كبيرة اوي,وعظيمة اوي..و تاريخها طويييييييييييييل اوي
!!!!
بيت السحيمي وبعض الصور التي التقطناها
الوجهة الخارجية
أحد أسقف يبت السحيمي
احد الأسقف ايضا
البيت من الخارج
المشاركات
السلام عليكم
ردحذفمرور اول في المدونة
اعتقد ان مصر باناسها ومدنها وآثارها كلها جميلة ... ولطالما كانت منارة الامة العربية ونسأل الله ان تعود كذلك ...
تقبلي مروري
الاخ الفاضل : مجد الدين:
ردحذفانا باشكرك جدا على التعليق الجميل ومنور المدونة,وان شاء الله يتحقق دعاءك وترجع مصر زي ما كانت وربنا يكرم كل العرب والمسلمين.
وان شاء الله تنورنا على طوول في باقي المواضيع.
تحياتي.